شفت الغزال الي رماني مع الناس
اللي سلب عقلي وضيع شبابه
يوماً نضرني صرت تايه ومحتاس
واحترت مابين الرموش وحجابه
قالت تحب قلت حباً بلا قيــــــــاس
ماعاد افكر في صديق وقرابه
ماعاد انام الليل جاني بوســــواس
هذا سؤالي ياترى وش جوابه
قالت سؤالك صعب كم عذب اجناس
قبلك وهذا الحب وهذا عذابه
كم واحداًً قبلك تعرض للافــــــــلاس
وصارت حياته في ملل وكأبه
قلت اسمعي في داخلي عرق حساس
مجروح وانتي علته والتهابه
يابنت رحتي وصار بالفكر هوجاس
واحتار يوم انك نويتي غيابه
ما احتمل فرقاك شيبتي الـــــــراس
وصويحبك تعبان والهم صابه
لجلك تحملت المسافة والاطعــــاس
ومشيت في درب ماحد مشابه
لكن دون البت جنداً وحـــــــــــراس
مايسمحولي اقترب يم بابه
قالت حبيبي روح لاباس لابـــــــاس
فارقتها ودمع عيني صبابه
ياجعل خلي ماتصيبه ذا الادنــــاس
ويسقي دياره سيل من ذا السحابه
العز بالله وانتي اعز ذا النــــــاس
لا تحرمي خلك فرحه شبابه
الجمعة أبريل 02, 2010 9:14 am
