وحشتك

موضوع: وحشتك الثلاثاء أبريل 06, 2010 7:42 am

ألا يا غايـبن عنّـي و جيتـك
وعدتك أستر إحساسي وصنتك
دخيلك ! إقبل أشواقي "هديتك"
وأنا كلما لمحت إسمـك سـربتك
أبحكي لك عن الفـرقى وبيتـك
أبشرح كيف يشتـاقك بـ صمتك
تناديك الـزّوايا: ويـن صيتك؟
وحشت الدّار ياخي لا عدمتـك
وريشة لوحتـك تنطق: يـ ليتك
هنـا، ولاّ تداعبها: يـ بختك !
مرايـة غرفتك تصرخ: نخيتـك
كفى منّـك جفى والله تعبتـك !!
ودفـتر ذكريـاتك ما يبيـتك ،
تحت صفحـة خفوقه ذا لمحتـك
خـزانة ملبسـك تهمس: رجيتك
تعـال وعطّر ثيابـي ، طلبتـك
تشـاركني ورودك لا بكيتـك
أحبك، قالها عنّـي : عشقتـك
وعدتك أستـر إحساسي؟ وفيتك
نطق بإسمي قصيـدي لا سهرتـك
وحشت الـدّار يا خلّي فديـتك
أبسـأل يا بعد حيي.. وحشتك؟